МЗТ СО ЛЕСНА ПОБЕДА НАД ФЕНИ

МЗТ Скопје немаше проблеми во мечот против Фени Индустри кој немаше ниту сила ниту квалитет да му парира на актуелниот првак.

„Металците“ на крајот славеа со 81:58 во меч во кој што домаќините ја оправдаа фаворитската улога и целосно доминираа во натпреварот. Најефикасен во натпреварот беше Младеновски кој што уфрли 17 поени, пред Протиќ со 13 и Дреновац со 12 поени. Кај Фени кошаркар со најмногу поени беше Враговиќ со 16 поени.

Работнички на свој терен беше поразен од Карпош Соколи со 80:98. Најтрофејниот македонски тим го загуби натпреварот во втората и во третата четвртина кога гостите доминираа на теренот, а во четвртата немаа сила да се вратат во мечот и да избегнат пораз. Не помогнаа ниту 28. поени на Чековски, а кај Соколи најефикасен беше Петровиќ со 21 поен.
Струмица немаше проблеми во мечот со Бест и го доби со 89:58, а Куманово очекувано пред своите навивачи го победи Кожув со 86:80.