НА ДЕНОТ НА ДРВОТО ВО КАВАДАРЦИ И РОСОМАН ЗАСАДЕНИ НАД 200 ИЛЈАДИ ДРВЦА

Околу двеста илјади дрвца беа засадени во Кавадарци и Росоман, во рамките на манифестацијата посветена на денот на дрвото. За таа цел беа обработени и пoдготвени околу 50 хектари површина. 

-Три хектари беа посадени во месноста "Калница" над игралиштето во селото Ваташа, 15 во “Тисовец” кај Возарци, 1 хектар на потегот меѓу мини централата кај манастирот во Моклиште и моклишката брана, како и 30 хектари во месноста “Велова чешма” меѓу селата Сирково и Мрзен Ораовец. На еден хектар бea посадени по околу 4 илјади садници, информира магистер Петко Ристовски, шеф по заштита на шуми од подружницата на Јавното претпријатие "Македонски шуми" во Кавадарци.

 
Садниците биле обезбедени од расадникот на подружницата “Бор”, кој е во селото Марена. Се работи за дрвца јавор, јасен, багрем, чемпрес.

Пишува: Марјан Димитров