Најдобриот кошаркар на Фени Индустри во тековната сезона и сигурно еден од најдобрите во домашниот шампионат, Карло Враговиќ се одлучи да го напушти клубот од Кавадарци.
На хрватскиот интернационалец, откако Фени Индустри ја заврши сезоната со елиминацијата во полуфиналето од МЗТ Скопје, му завршија обврските, па сега тој е слободен кошаркар. Како што дознаваме, силен интерес за неговите услуги има токму актуелниот македонски шампион МЗТ Скопје, кој сепак ќе има тешка задача да го доведе во своите редови.
Враговиќ по одлично одиграната сезона, на своја адреса има бројни понуди, од најразлични држави како Италија, Шпанија и Полска. Одлуката каде ќе ја продолжи својата кариера, се очекува кошаркарот да ја донесе многу наскоро. Доколку се одлучи да ја прифати понудата од МЗТ Скопје, тогаш салата, СЦ „Јане Сандански“ во која го одигра последниот натпревар за Фени Индустри, од идната сезона ќе биде неговиот дом.
Извор: www.gol.mk
0 comments:
Post a Comment