ВЕЧНИ СЕЌАВАЊА: Фруса Чедимирова (1902 – 1943)

Тетка Фруса како што ја знаеја многумина, родена е во с. Возарци во 1902 год. Нема ден во нејзината куќа да нема некаков состанок на силите на македонскиот отпор против бугарската окупација уште по окупацијата – 1941 год.



Таа не присуствува на состаноците, но затоа пред портата будно внимава да не се открие илегалната активност. Чиновничката плата на нејзиниот маж е доволна за прехрана на три члената фамилија. Во движењето е активен собирач на материјали и помош за народноослободителната војска.

Сепак разгневени заради се поголемиот отпор и одзив на Тиквешијата во редовите на силите на отпорот, Бугарите превземаат масовни акции на разбивање на илегалната мрежа.

Јуни 1943 год., Фруса е фатена од бугарската полиција и неколку дена најтешко измачувана за да извлечат признание за илегалната мрежа. Бугарите не ја постигнуваат целта – Фруса Чедомирова не изустува ниту збор па ја носат во реонот на Неготино каде продолжуваатс о измачувањата. Фруса пак е нема а нејзиното молчење толку ги разгневува Бугарите, што ја фрлаат во реката Вардар. Откога излегува на другиот крај истоштената речиси во бесвест од тепања жена пак ја фаќаат и уште пожестоко ја тепаат за да на крајот подоцна и ја ликвидираат како уште едан од жртвите извшени тој ден за пример на непокорната Тиквешија.