РУЖИЦА ЈОСИФОВА СО „ОПУС НА СЛИКИ“ МЕЃУ СВОИТЕ КАВАДАРЧАНИ

Во пресрет на Денот на пензионерите, денеска во Домот на Културата во организација на Градоначалникот, Совет на Општина Кавадарци во соработка со Здружение на пензионери -Кавадарци, во присуство на многу граѓани, пензионери, претседателката на Советрот на општина Кавадарци Горица Пеливанова Вилхелм, беше отворена ликовна изложба на големиот кавадаречки педагог и ликовен уметник, активистк, а во Здружението на пензионери, неуморната Ружица Јосифовска.

За Јосифовска говореше нејзиониот колега Ликовниот уметник и директор на Домот на Културата Владимир Темков, кој подвлече дека ова наша сограѓанка, е во дилема како повеке да ја најави како педагог или уметник, таа е и двете, и затоа е успешно ги работи цел живот.Таа сеуште активно твори, но зад неа остави значајни дела во ликовната култура кај нас.Виолета Андова-претсдеателка на Собранието на пензионери говореше за животниот пат на Ружица Јосифовска, а вечерта со пријатни ноти ја збогатија ученици од Музичкото училиште од Кавадарци.

Славеничката Јосифовска не го криеше задоволството од посетеноста и интересот за нејзиониот ,,Опус на слики,,- нагласи дека ке твори се додека може. Впрочем таа поинаку и не може. Голем број од нејзините во семејството се познати уметнички имиња.

Ружица Јосифовска како ликовен уметник има организирано десеттина самостојни, како и петнаесеттина групни изложби, а нејзините слики ги красат амбиентите во нашата, но и во повеќе европски земји.

Изложбата претставува ретроспектива на нејзиното целокупно творештво, со теми и жанрови од мртва природа , пејсажи , слики на светци и манастири, па се до народни обичаи.

М.Димитров