Friday, March 25, 2016

ТИКВЕШКИТЕ ВИНА ПРЕЗЕНТИРАНИ НА САЕМ ВО ДИЗЕЛДОРФ



Девет македонски винарии трет ден се дел од интернационалниот саем за вино „Провајн“ што до 16 овој месец се одржува во германскиот град Дизелдорф. На македонскиот национален штанд, винариите „Тиквеш“, „Сковин“, „Стоби“, „Далвина“, „Бовин“, „Камник“, „Езимит“, „Попов“ и „Сопот“ ги презентираа своите вина пред дистрибутери, увозници и други професионални купувачи на вино од светот. 

Во рамки на саемот, на македонскиот штанд се организираа и семинари и дегустации за виното „вранец“ водени од Дарел Џозеф, вински судија и промотор на вината од земјите на Југоисточна Европа. 

Учеството на македонските винарии на саемот го организираше здружението „Вина од Македонија“, а Министерството за земјоделство, шумарство и водостопанство го поддржа учеството на винариите на саемот со закуп на просторот и уредување на штандот. „Провајн“ е меѓународен саем за вино и алкохолни пијалоци во Европа и место на кое своите вина ги промовираат 50 вински земји во светот. 

Секоја година саемот го посетуваат околу 50.000 професионални посетители од целиот свет. 

Извор: emagazin.mk

0 comments:

Post a Comment


ЗАНИМЛИВОСТИ

КУЈНА

МУЗИКА

ЕПРОСКОП