ДРЖАВНИОТ АРХИВ СО ИЗЛОЖБА ВО КАВАДАРЦИ

По повод 70 години од победата на Антихитлеровската коалиција врз нацизмот, Државниот архив на Република Македонија денеска во Музеј галеријата во Кавадарци ја отвори изложбата „Обединети сме посилни”.

Изложбата ја промовираше д-р Филип Петровски, директор на архивот, кој информира дека е направен збир на над 200 добро илустрирани и интересни фотографии, документи, пропаганден материјал и плакати на околу 30 таблоа кои ги објавувале западните сили.

- Првпат ги собравме на едно место бидејќи досега не е правена таква изложба, рече Петровски и изрази надеж дека изложбата ќе им помогне на професорите по историја со историски час да го одбележат моментот на победата во иднина.

Тој најави дека наскоро ќе биде готова и изложба за првата светска војна, со што, подвлече, ќе ги комплетираат војните прикажувајќи ги низ различни фотографии и документи. Истовремено работиме и на бројни македонски теми, нагласи Петровски. /МИА