КАВАДАРЕЧКИОТ ТЕАТАР СО „ЖЕНИДБА“ ЌЕ ИГРА ВО КУМАНОВО

Во театар Куманово вечерва во 20 часот, ќе игра претставата „Женидба“ работена според текст на Николај Васиљевич Гогољ, а во изведба на театарот при Домот на културата „Иван Мазов-Климе“ од Кавадарци.

Режијата е на Драган Велјановски, а актерската екипа ја сочинуваат Владанка Недева, Снежана Карова, Милица Гочевска, Видан Станоев, Диме Коцевски, Љупчо Настов Костадин Прокопов, Александар Малинков, Валентина Ѓорѓиева, Деан Атанасов, Коле Колев. Оваа претстава ќе биде прикажана во повеќе градови низ Македонија.