ЈАНЕ ПЕТРОВСКИ ПОТПИША ЗА ФЕНИ ИНДУСТРИ

Јане Петровски и официјално е нов член на Фени индустри откако попладнево го стави својот потпис на договорот со кавадаречкиот клуб. Раководството на Фени веќе извесно време беше во потрага по плејмејкер, а изборот на тренерот Малинков падна врз искусниот Петровски. Тој доаѓа во Кавадарци од редовите на Работнички, каде имаше „отворен договор“ да игра се додека не добие подобра финансиска понуда.

„Го договоривме трансферот на Јане Петровски, кој утре ќе дојде во Кавадарци и ќе се приклучи на нашите тренинзи. Баравме плејмејкер, а Петровски е играч кој не само што е квалитетен, туку е и голем професионалец кој дополнително ќе ја подобри атмосферата во нашиот тим. Задоволен сум од неговиот ангажман и верувам дека нема да му треба многу време за да се адаптира во новата средина“ – изјави Малинков за ЕКИПА.

Заминувањето на Петровски сигурно ќе претставува проблем за Работнички, со оглед на добрите игри што овој кошаркар ги прикажуваше за тимот од „Градски парк“.

Извор: Ekipa.mk