ПОВЕЌЕ ОД ПОЛОВИНА ОД ВИНСКОТО ГРОЗЈЕ Е ОТКУПЕНО

Повеќе од половина од производството на винското грозје е веќе откупено. Винарските визби ги почитуваат и минимални цени, договорени пред бербата.

Од очекуваните 150 до 180 милиони килограми винско грозје досега се откупени скоро 60 проценти од родот.

Според Државниот инспекторат за земјоделство, откупот се врши на вкупно 94 пунктови, а исплатата е согласно законот и шеќерните единици.

Вранецот со 19 шеќерни единици се плаќа по 13 денари, додека смедеревката со 17 шеќерни единици 11 денари за килограм.

Доколку лозарите сметаат дека има неправилности во количествата и проценката можат да го пријават во инспекторатот.