МЕДАЛИ ЗА КАВАДАРЕЧКИТЕ КАРАТИСТИ НА „ХРВАТСКА ОПЕН”

Два медала освоија каратисти од карате клубот „Урбан инвест” од Кавадарци на натпреварот „Хрватска опен”, информираа вечерва од клубот.

– Сребрен медал освои Владанка Аврамова во кати поединечно за помлади кадети, а бронза доби Петар Аврамов во кати поединечно за деца на возраст од 10 и 11 години, соопштија од „Урбан инвест”.

Во првенството, додадоа од клубот, учествувале 1.580 натпреварувачи од 170 клубови и 16 држави.