“КАВАДАРЕЧКА КУЛТУРНА ЕСЕН 2015“- СВЕЧЕНО ОТВОРАЊЕ (ФОТО ГАЛЕРИЈА)

На 16 октомври 2015, со неколку културни и уметнички настани свечено беше отворена манифестацијата “Кавадаречка културна есен 2015“.

По дефилето низ улица “Илинденска“, фолклорните ансамбли “Тиквеш“ - Кавадарци, “Јане Сандански“- Неготино и ансамблот од Прилеп, одржаа заеднички концерт на Градскиот плоштад.

Во Галеријата при Домот на културата “Иван Мазов - Климе“ беше отворена изложба фотографии “Кокино“ од авторот Љупчо Илиевски, а Градоначалникот Александар Панов свечено ја отвори манифестацијата “Кавадаречка културна есен 2015“.
Како финале следуваше целовечерен концерт на Фолклорниот ансамбл “Македонија“ од Скопје во салата при Домот на културата.