НАУЧНО ИСТРАЖУВАЊЕ: ВИДЕО ИГРИТЕ СЕ ДОБРИ ЗА ВАС

Гејмерите често се на мета на критики, обвинувајќи ги за несоцијално однесување, а од страна на најблиските за „заглупување“ поради играње на видео игри.

Но науката неколку пати ги има отфрлено овие тврдење и уште еднаш докажа дека гејмањето всушност е добро за луѓето. Најновото истражување од универзитетот за електронска наука и технологија во Кина, покажа дека гејмерите имаат повеќе сива материја и подобри конекции во мозокот. Истражувањето вклучи медицинска анализа на испитувања со магнетна резонанца (МР) на 27 професионални и 30 аматери гејмери.



Двете групи беа тестирани со помош на специјална видео игра што го тестира времето на реакција, координација на движењата на рацето со очите, преку елементи како борба, пукање и трки.

Научниците ги анализираа МР тестовите на субјекти, фокусирајќи се на пределот од мозокот што се асоцира со перцепција, внимание и контрола на моторни функции.

Резултатите покажаа дека професионалните гејмери имаат подобри конекции во различни региони и мрежи во мозокот и побрзо реагираат. Повеќето активирани конекции се во делот од мозокот што се асоцира со организација, пресметки и објективно размислување.

Извор: Kajgana.com