БЛАЖЕ БОГЕВ: ПОРАНО СЕ ЗНАЕШЕ КОЈ ПЕЕ И КОЈ СВИРИ

Дека Македонија има пејачи кои вредат, покажуваат успесите надвор од границите на земјава, додека истите кај нас не се третирани онака како што заслужуваат. Па така вестите за задниците на некоја разголена естрадна старлета ќе добијат многу повеќе читатели, отколку спомнувањето на успесите на нашинците во светот, кои не се толку многу експонирани во сопствената земја.
Еден од таквите пејачи, кој долги години е присутен на македонската естрада е и Блаже Богев. Тој за себе вели дека ја имал таа привилегија да влезе во музиката во времето кога се знаеше кој пее и кој свири, во времето кога имаше критериуми во тогашната музичка продукција на Р.Т.Скопје, во времето кога на сцена остануваш и си третиран како пејач само ако имаш квалитет.
Блаже Богев досега има издадено 5 албуми со народни и новокомпонирани песни, како и настапи на повеќе фестивали во републикава, со снимени над 80 песни со сите оркестри на МРТ. Тука можеме да издвоиме голем број на евергрини како што се: “Штом чукне полноќ”, “Во ноќта тивка”, ”Ој Јано, Јано”, “Вардаре горд”, “Цвете мило” и други.