ТИКВЕШКИТЕ ТОЧAКЏИИ СЕ ВКЛУЧИЈА ВО ТИКВЕШКИОТ ГРОЗДОБЕР

Педесетина велосипедисти, членови на групата на рекреативни велосипедисти „Тиквешки точкаџии“, со рекреативна и ревијална велосипедска трка се вклучија во одбележувањето на манифестацијата „Тиквешки гроздобер“.

Стартот и беше пред црквата „Света Петка“ во новиот центар на градот. Тиквешките точкаџии продефилираа низ централното градско подрачје за потоа да се упатат кон поставените дестинации, Моклиште започетниците и Витачево - село Бунарче - Моклиште за понапредните велосипедисти.

Покрај со ревијалната трка, „Тиквешките точкаџии“ ќе бидат дел и од карневалското дефиле кое е закажано за вечерва со почеток од 19 часот.

Пишува: Марјан Димитров

Фото: kavadar4e.com