ОД СЕПТЕМВРИ НОВИ 500 РАБОТНИ МЕСТА ЗА ВКУПНО 5000 ВРАБОТУВАЊА ВО ДРЕКСЕЛМАЕР

Нови 500 вработувања во Дрекселмаер од септември. Фабриката во Кавадарци е најголем работодавач во земјава, а општината една од тие со најниска стапка на невработеност во државата. Германската компанија ангажира работници и од околните општини.

„Кавадарци е општина во која имаме многу вработувања, пред се во „Дрекслермаер“ каде бројката на вработени надмина 5.000 лица, а со последната најава дека во септември ќе има уште 500 вработувања ќе се приближиме до околу 6.000 работни места што е извонредно голем број на вработувања. Таму работат лица и од околните општини Неготино, Прилеп и други...“, вели вицепремиерот Зоран Ставрески.

Во Кавадарци реализирани се и стотина вработувања преку Македонија вработува. Овој проект ги надмина очекувањата на Владата. Досега преку него работа најдоа над 5000 лица. Најголем дел од нововработените се од категоријата млади до 35 години. Над 3300 фирми отвориле нови работни места, а нивните заштеди ќе изнеусваат најмалку 2000 евра годинишно.

Приоритет на Владата останува отворањето нови работни места. Освен Макеоднија вработува и новите инвестиции ја намалуваат невработеноста. Во зоните до крајот на годината ќе работат околу 5000 работници, а на патиштата во кои инвестира државата летово се ангажирани околу 4000 луѓе, или најмногу досега.

И статистиката констатира дека невработеноста се намалува и во моментов е на најниско ниво од 27,3%.