СЕ ЧИСТИ НАНОСОТ ОД КОРИТОТО НА РЕКАТА „ЛУДА МАРА“

Наносите на земја, песок и камења во речното корито на „Луда Мара“ во непосредна близина на Камениот мост од изутринава се изнесуваат и депонираат на соодветна локација.



Се работи за досега најголема количина на наносен материјал после реконструкцијата на речното корито. Материјалот главо потекнува како последица на големите врнежи оваа пролет и лето, а донесен од горното течение на реката „Луда Мара“.

На чистењето на речното корито пред почетокот на новата зима повторно се вклучени камионите и механзацијата на „Комуналец“ кои со оглед на големината на зафатот и потребата од внимателно изнесување на истиот се очекува да работат повеќе од една недела. (Д.У/M.Д.)