ВО КАВАДАРЦИ 712 ЛИЦА ВАКЦИНИРАНИ ПРОТИВ СЕЗОНСКИ ГРИП

Во Кавадарци 712 лица се вакцинирани против сезонски грип оваа сезона, информираше денеска за МИА Ристе Јовановски, доктор епидемиолог при Центарот за јавно здравје во овој град.



- Најзаинтересирани за вакцинирање се хроничните болни и лицата над 65 годишна возраст. Обезбедивме 770 вакцини, а доколку има потреба, ќе обезбедиме и дополнителни дози, изјави Јовановски.

Тој посочи дека минатата година против сезонски грип овде биле вакцинирани 810 лица.

Инаку, како што информираше Јовановски, веќе се регистрирани и првите случаи на грип оваа сезона. За последните три седмици, пријавени се 14 грипозни лица.