ТЕМПЕРАТУРА ОД 0 СТЕПЕНИ ЦЕЛЗИУСОВИ ИЗУТРИНАВА ИЗМЕРЕНА ВО КАВАДАРЦИ

Температура од 0 степени Целзиусови изутринава во 7 часот и 30 минути е измерена во Кавадарци.

Според Управата за хидрометеоролошки работи, денеска времето ќе биде сончево, а попладне со слаб до умерен северен ветер. Максималните температури ќе бидат во интервал од 14 до 21 степен.

Во наредните денови ќе продолжи периодот на стабилно, суво и претежно сончево време, со услови за слаба магла по одделни котлини. До недела утринските температури на повеќе места ќе бидат негативни, а дневните благо ќе опаѓаат. За време на викендот ќе има појава на умерена облачност и ќе дува умерен северен ветер.