Чешање, чувство на притисок однатре, болни отоци, опипливи чворови и последователно крварење се првите симптоми кои укажуваат на настанување на хемороидите. Доколку имате зачестени проблеми со хемороидите потребно е да се обратите на доктор, а доколку се во рана фаза, можете многу да си помогнете со промена на животниот стил.
Исхраната богата со влакна е еден од главните помагатели на добриот начин на варење на храната. Јадете мешункаст зеленчук, цели житарици и суво, како и свежо овошје и зеленчук, а избегнувајте зачинета и лута храна.
Зголемениот внес на течности во телото, како вода и природни свежи сокови, ја олеснуваат столицата. Особено ефикасно е да се пие сок од суви сливи.
Долготрајното седење треба да се избегнува, а треба да се практикува повремено станување и раздвижување.
Со редовната физичка активност ќе ја поттикнете циркулацијата, ќе ги забрзате метаболизмот и варењето, ќе ја стимулирате цревната функција и со тоа ќе ги намалите евентуалните проблеми со пролив и запек.
Постојат внатрешни и надворешни хемороиди. Вторите можат полесно да се повлечат со соодветна терапија, но внатрешните знаат да бидат многу незгодни, а воедно предизвикуваат редовно крварење и болки при празнење на цревата.
Ова е еден проверен традиционален руски рецепт, па доколку и вие долго време си мачите мака со хемороидите, а веќе се имате обидено со разни креми, чаеви и таблети, и ништо не успеало да го реши проблемот на долг рок, вреди да му дадете шанса на овој „лек“ кој наводно излечил многу Руси.
Сè што ви е потребно е свеж, лупен компир и фрижидер за длабоко. Компирот треба да е квалитетен. Не смее да биде скапан или позеленет.
Исечете од излупен компир тенко стапче и ставете го во замрзнувачот.
Замрзнатото стапче (едно за една употреба) ставете го во анусот. Првите 4 дена држете го 30 секунди, а следните 3-4 дена оставајте стапчето да делува по 30 секунди плус.
Извор: www.kafepauza.mk
0 comments:
Post a Comment