ДИСЦИПЛИНСКА ПОСТАПКА ПРОТИВ НЕГУВАТЕЛКАТА ВО КАВАДАРЕЧКАТА ГРАДИНКА

Изгризано едноипол годишно девојче во градинка во Кавадарци, родителите споделија фотографии на една од социјалните мрежи на кои јасно се гледаат три гризнувања и белези од заби. Според нив, поради невнимание на негувателката, се истрауматизирало нивното дете. Бараат одговорност од неа. Нема да поднесат приватна тужба против установата, доколку се побара одговорност од невнимателната негувателка.

- Имаме лекарска потврда за повредите на ќерката. Нејзе и зарипна гласот од плачење поради повредите. Ја носевме на лекар и таа мораше да прима инхалација. Ни кажаа дека во време кога се случил инцидентот, негувателката била да фрла пелена. Не веруваме во тоа. Девојчето ни е изгризано на три места, можело и повеќе да биде повредено - рекоа родителите.



Директорката на градинката “Рада Поцева” Снежана Ганчева кажа дека веднаш пристапила кон испитување на случајот. Изготвила записник и покренала дисциплинска постапка против негувателката . За инцидентот ги известила општината и надлежното министерство.

- Сметам дека има грешка кај нашата негувателка. Додека ја фрлала пелената друго дете од градинката го нападнало девојчето кое е изгризано - појасни Ганчева.

Таа нагласи дека случајот ќе биде расчистен. (С.Д.)

Извор: www.dnevnik.mk