ОТВОРАЊЕ ИЗЛОЖБА НА ПАВЛЕ КУЗМАНОВСКИ

Во вторник, на 29 септември 2015, со почеток од 19 часот, во Галеријата при Домот на културата “Иван Мазов - Климе“ Кавадарци ќе биде отворена изложба на познатиот ликовен уметник Павле Кузмановски од Тетово.

Кузмановски, во јавноста дебитираше во далечната 1967 година кога во Уметничката галерија во Тетово се претстави со циклусот "Везилка", цртежи и линорези, инспирирани од поезијата на Блаже Конески. Жената како инспирација продолжи да се провлекува како мотив и останатите години, па се до ден-денеска.

Кузмановски остварил четири студиски престои во Париз. Учествувал на преку 30 меѓународни колонии, досега приредил 40 самостојни изложби во земјата и странство. Учествувал на преку 250 групни изложби. Кузмановски е добитник на Наградата "Длум - цртеж", на наградата за сликарство "Методија Ивановски Менде". Во 1994 година се стекна со статус самостоен ликовен уметник.