ДРАГАН ТУБАК НОВО ЗАСИЛУВАЊЕ ЗА ФЕНИ ИНДУСТРИ

Српскиот центар Драган Тубак е ново засилување за македонскиот кошаркарски прволигаш Фени индустри. Тој минатата сезона ја мина во Мароко, а во новиот шампионат ќе настапува во дресот на Фени, откако се договори за соработка со кавадаречкиот клуб.

Тубак, кој е висок 216 сантиметри, има интернационално искуство и од Белгија (Леувен, Пепинстер), а играше и за Раднички ФМП и за Борац во првенството на Србија. Се очекува тој да ја засили значително конкуренцијата на центарската позиција во редовите на Фени.