КАРАТИСТИТЕ НА „УРБАН ИНВЕСТ" ОД КАВАДАРЦИ ОСВОИЈА 13 МЕДАЛИ

Нови 13 медали за каратистите на „Урбан инвест" од Кавадарци, овојпат на меѓународниот турнир „Ноќ на шампионите 2015" во Бијељина, Република Српска, Босна и Херцеговина.

На турнирот учествуваа 558 натпреварувачи од 55 клубови од седум држави - Босна и Херцеговина, Македонија, Србија, Хрватска, Словенија, Црна Гора и Романија.

Каратистите на „Урбан инвест" од Кавадарци освоија 6 златни, 3 сребрени и 4 бронзени медали.

Златни медали освоија:

• Владанка Аврамова
• Никита Николоски
• Данка Стојкова
• Ката тим јуниорки - Лили Маневска, Лидија Анѓелкова и Моника Коцх.
• Ката тим женски 2002 - Владанка Аврамова, Ивона Муфтарова и Миа Маневска.
• Ката тим машки 13-14 години - Блаже Коневски, Игор Јовков и Илија Димитријов.

Сребрени медали:

• Блаже Коневски
• Стефанија Грозданова и
• Александар Стојков

Брозени медали освоија:

• Моника Коцх
• Кристина Тодорова
• Петар Аврамов и
• Ката тим машки 2004 - Петар Аврамов, Никита Николоски и Лазар Стојев.